Свято-Духов монастырь

Молитва Святому Уару об умерших некрещенными.

   О святый мучинице Уаре досточудный, ревностию по Владыце Христу разжигаем, Небесного Царя пред мучителем исповедал еси, и о нем усердно пострадал еси, и ныне Церковь почитает тя, яко прославляемого от Владыки Христа славою небесною, иже дарова тебе благодать великого  дерзновения и ныне предстоиши Ему со Ангелы и в вышних ликуеши, и зриши ясно Святую Троицу, и светом Безначального Сияния наслаждаешися. 

   Воспамяни наших сродников томление, умерших в нечестии, приими наше прошение, и якоже Клеопатрин род неверный молитвами твоими от вечных мук свободил еси, тако воспамяни елици противобожне погребенные, умершие некрешенными, потщися испросити оным вечные тьмы избавление, да вси единемы усты и единем сердцем восхвалим Премилосердного Творца во веки веков. Аминь. 

    Другая молитва о некрещенном:

    Взыщи, Господи, погибшую душу отца моего (имя) аще возможность есть помилуй! Неиследимы пути Твои. Не постави мне во грех сей молитвы моей. Но да будет Святая воля Твоя.